Other languages:

Höngum saman í sumar!

SAMAN hópurinn stendur fyrir sumarátaki sem ber yfirskriftina: ,,Höngum saman í sumar!“ Rannsóknir hafa sýnt að samvera foreldra og barna er ein besta forvörnin.1 Yfirskriftin ,,að hanga saman“ hefur þá skýrskotun að samveran þarf ekki að kosta neitt, vera skipulögð eða hafa skemmtanagildi. Að verja tíma saman skilar engu að síður árangri. Rannsóknir hafa einnig sýnt að börn og unglingar vilja verja meiri tíma með foreldrum sínum. Það sama hefur komið fram í máli foreldra sem tekið hafa þátt í könnunum.

Gular, brosandi og bjartar sólir hafa verið prentaðar og verða þær hengdar upp um land allt í sumar. Sólirnar minna okkur á mikilvægi samverustunda og jákvæðs hugarfars. Fjöldi sveitarfélaga leggur verkefninu lið og er þeim þakkaður velvilji og gott samstarf. Unglingar í sumarvinnu sveitarfélaga taka að sér að hengja sólirnar upp í sínu sveitarfélagi.Miðvikudaginn 24. júní kl. 14:00 verður verkefnið formlega kynnt og hleypt af stokkunum. Kynningin fer fram á Miklatúni við Kjarvalsstaði. Þar munu ungmenni hengja upp sólir, unglingahljómsveitir spila og kynnir verður Guðlaug Elísabet Ólafsdóttir leikkona.SAMAN-hópurinn óskar öllum gleðilegs sumars og vonar að sólirnar skíni á ykkur um allt land.